Plantun de Prouvènço

Pèr coumpara dos planto d'encò nostre

Amaranthus blitoides & Potamogeton nodosus

Amaranthus blitoides

Amaranthaceae

Nom en français : Amarante fausse blette.

Descripcioun :
Aquesto amaranto rebalo au sòu dins lis ermas e lis escoumbre proche d'oustau. Sèmblo proun à l'amaranto-blanco mai aquelo d'aqui èi, au contro, bèn drecho. Peréu li fueio eici soun pas oundado e bourdado de blanc, e li grano soun mai grosso. Lou dessouto èi bèn blanc e pas verd coume pèr Amaranthus graecizans.

Usanço :
Coume lis àutris amaranto, l'amaranto-faus-blet se manjo cruso en ensalado vo cuecho coume d'espinarc (pas trop n'en manja pamens pèr l'acide óussali e li nitrate). Li grano se manjon cruso, grasihado o boulido (15 mn) coume voulès.

Port : Erbo
Taio : 10 à 50 cm
Fueio : alterno
Tipe bioulougico : Teroufite
Cicle bioulougico : Planto de l'an

Gènre : Amaranthus
Famiho : Amaranthaceae

Ordre : Caryophyllales

Coulour de la flour : Verdo
Petalo : 5
Ø (o loungour) enflourejado : 0,5 cm
Flourido : Estiéu - Autouno

Sòu : Ca
Autour basso e auto : Pancaro entresigna
Aparado : Noun
Setèmbre à nouvèmbre

Liò : Ermas - Champ - Ribiero
Estànci : Termoumediterran à Mesoumediterran
Couroulougi : Cousmoupoulito
Ref. sc. : Amaranthus blitoides S.Watson, 1877

Espigo-d'aigo(-nouseludo)

Potamogeton nodosus

Potamogetonaceae

Autre noum : Poutamot.

Noms en français : Potamot noueux, Epi d'eau.

Descripcioun :
Aquesto espigo-d'aigo trachis dins lis aigo pulèu prefoundo ounte pòu faire un tapis de fueio. Li fueio de surfaco (5 à 12 cm X 2 à 6 cm) laisson pas passa lou lume, soun pulèu espèsso e souvènt un pau bruno. Aquéli dins l'aigo, soun mai primo e fragilo e se ié vèi bèn li costo. L'espigo, pourtado pèr un pecou espès, sort de l'aigo (3 à 5 cm de long).

Usanço :
D'ùnis espigo-d'aigo sarien manjadisso en Asìo.